Novamente El parto es nuestro-O parto é noso detecta, a partir das testemuñas das usuarias do sistema sanitario, que nos hospitais galegos seguen a incumprirse as directrices da OMS, a Estratexia do Ministerio de Sanidade e a propia Guía técnica do SERGAS sobre atención ao parto. Na maioría dos hospitais, o tener ou non un parto respectado depende do factor sorte.
Os únicos hospitais galegos que actualmente contan cun protocolo de actuación que cumpra coas devanditas recomendacións son o do Salnés, que ademais pertence á rede IHAN, e o de Cee. Porén, o primeiro, en determinadas épocas nas que se atopa sobrecargado, e o segundo, con carácter xeral, non aceptan mulleres de fóra da súa área de influencia. 
Para denunciar esta preocupante realidade, El parto es nuestro-O parto é noso elaborou a seguinte nota de prensa:

Dende a asociación El Parto Es Nuestro-O Parto é Noso, integrada por mulleres e profesionais que defenden os dereitos das nais e dos recén nados a recibir unha atención ao nacemento óptima e axeitada ás recomendacións recollidas na Estratexia de atención ao parto normal do Ministerio de Sanidade e mais na Guía técnica do proceso de atención ao parto normal e ao puerperio do SERGAS, ambas do ano 2008, queremos denunciar o reiterado incumprimento destes textos e o neglixente retraso na implementación dos cambios precisos en todos os hospitais de Galicia.

Como asociación de usuarias constatamos que os nacementos seguen a atenderse con procedementos e protocolos intervencionistas e non axustados á evidencia científica actual, vulnerándose, entre outras normas:
- os artigos 15 (dereito á integridade física e moral), 17 (dereito á liberdade) e 18 (dereito á intimidade persoal e familiar) da Constitución española 
- a Convención de dereitos do neno de 1989
- a Carta europea de dereitos do neno hospitalizado de 1986
- a Lei 41/2002, básica reguladora da autonomía do paciente
  
Resulta escandaloso que só exista unha atención respectuosa aos nacementos nun único hospital de toda Galicia, o comarcal do Salnés, o que leva a moitas mulleres da Comunidade autónoma a pedir a derivación ao mesmo, coa conseguinte sobrecarga de traballo, que empeora a calidade asistencial e a merma dos dereitos das e dos traballadores sanitarios do devandito centro.

Polo tanto, esiximos que se empece a traballar axeitadamente en todos os hospitais galegos, comezando polos grandes hospitais universitarios, que atenden unha grande poboación, mais teñen a resposabilidade de formar aos novos profesionais. Cremos que esta formación debería basearse en evidencia científica actualizada, coa finalidade de erradicar prácticas e protocolos obsoletos e demostradamente nocivos para a saúde materno-infantil.

Solicitamos que as nosas autoridades políticas sanitarias insten aos profesionais e aos responsábeis de cada hospital a cumprir as súas obrigas de boas prácticas nas actividades asistenciais, tendo en conta ademais que tanto a mellora da calidade da atención ao parto coma a formación continuada na materia están previstas no Plan de prioridades sanitarias 2011-2014 do SERGAS.

Cómpre, por último, lembrar que o parto fisiolóxico e o método nai canguro, xunto con ser o máis beneficioso e seguro para a nai e o bebé, son moito menos costosos economicamente. En tempos de recorte do gasto público, este é un motivo máis para implantalos nos nosos hospitais.

É un dereito fundamental das familias galegas o de ser atendidas no nacemento das súas fillas e dos seus fillos da mellor maneira posible. E é un deber dos profesionais sanitarios o de formarse na súa especialidade e actuar conforme ás recomendacións actuais, baseadas na evidencia científica e no respecto ás persoas.

Nota de prensa en pdf

O sábado 21 de maio pola mañá algunhas socias de O parto é noso puxemos unha mesa informativa na Praza Maior de Lugo, con ocasión da Semana mundial do parto respectado, cuxo lema este ano rezou "Parir onde, como e con quen queiras".

Na foto podedes ver a Yolanda (co Martiño), Patricia López e Susana (coa Eva). Trala cámara está Mary, de Vigo, que viaxou até Lugo coa súa familia para botar unha man nesta actividade.

A prensa fíxose eco aquí

ESTE SEMESTRE COMEZAMOS A REALIZAR REUNIÓNS ABERTAS EN VIGO. A PRIMEIRA SERÁ O VINDEIRO DIA 4. ESPERAMOSVOS !!

Falemos de parto

Falaremos do parto, do embarazo, do puerperio e a lactación, da situación actual de atención ó parto no noso país e na nosa comunidade, das recomendacións da OMS para o parto, dos nosos dereitos e responsabilidades coma usuarios do sistema sanitario, dos dereitos do recentemente nado....Ademáis compartiremos dúbidas e experiencias

Asistencia libre e gratuita, aberta a toda persoa interesada






A CORUÑA

Centro Cívico do Castrillón
Plaza de Pablo Iglesias s/n
A Coruña

Segundo Sábado de cada mes de 11.00 a 13.00
11 de setembro
9 de outubro
13 de novembro
11 de decembro

LUGO

Centro Social Maruja Mallo
Rúa Carril das Hortas s/n
Lugo

Derradeiro Sábado de cada mes de 11.00 a 13.30
25 de setembro
30 de outubro
27 de novembro
18 de decembro

VIGO

Centro Cívico de Saians
Bajada a la Playa, 83
Saians

Primeiro Sábado de cada mes de 11.00 a 13.30
4 de setembro
2 de outubro
6 de novembro
4 de decembro

Durante julio y agosto O PARTO É NOSO está de vacaciones...

En Septiembre reanudaremos nuestras reuniones en Coruña y Lugo y empezaremos las de Vigo!!!

En breve tendremos fechas y os las haremos saber... las colgamos aquí, como siempre.

Muchas gracias a tod@s y hasta pronto!!!