O Parto é Noso - Varios

FELICES FESTAS

nospam@example.com (O Parto é Noso) — Tue, 28 Dec 2010 09:00:04 +0100

FELICES FESTAS

nospam@example.com (O Parto é Noso) — Fri, 25 Dec 2009 23:09:20 +0100

Versión cefálica externa no CHUVI

nospam@example.com (O Parto é Noso) — Mon, 25 May 2009 16:07:28 +0200

O CHUVI comeza a realizar a vesión externa, técnica utilizada para colocar de cabeza fetos que están de nádegas

O Complexo Hospitalario Universitario de Vigo comezou, a principios deste ano, a realizar a técnica da Versión Cefálica Externa (VCE), procedemento que se utiliza para converter a posición podálica do feto -de nádegas- nunha presentación cefálica, máis favorable para o parto.

O complexo hospitalario vigués é o primeiro de Galicia que incorpora esta técnica que permite colocar de cabeza o feto mediante a manipulación externa sobre a parede abdominal da nai. Cunhas manobras realizadas polos médicos sobre o abdome da nai favorecen que o feto dea a volta, co que se consegue diminuír as complicacións asociadas aos partos de nádegas, unha das causas máis frecuentes de cesáreas.

A eficiencia da manobra oscila entre un 35 e un 70%, pero a taxa de éxito no Chuvi é dun 60% (respecto das 30 mulleres embarazadas ás que se lles foi aplicada a técnica dende xaneiro)

A Sociedade Española de Obstetricia e Ginecología (Sego), así como as principais sociedades científicas a nivel mundial, recomendan que a toda paciente cun feto en presentación podálica preto do parto, ofrézaselle a posibilidade de intentar unha operación deste tipo. Aínda así, a versión externa non é un procedemento implantado de forma rutineira no noso país, de xeito que na actualidade son poucos os centros españois que realizan esta técnica.

Faro de Vigo - Médicos del Xeral logran voltear fetos de nalgas para evitar cesáreas
La Voz de Galicia - Vigo estrena una técnica para colocar de cabeza fetos que están de nalgas

Parir en Liberdade

nospam@example.com (O Parto é Noso) — Sun, 15 Mar 2009 15:44:25 +0100

Así se chama o libro da sabia e experimentada comadroa arxentina Raquel Schallman, “Parir en libertad” un fermoso título.

¿Que é o que nos pode dar esa liberdade?

Primeiro de nada a información ( a verdade faravos libres)... , cando sabes que é o que pasa, que é o que pode pasar, cales son as verdadeiras consecuencias de facer ou non facer certas cousas; entón podes decidir, podes elixir..., es libre.
Se non sabes nada de certo , ou se só che contan o que a alguén lle interesa que saibas , acabouse a elección , estás vendida , estás presa....
Despois , precisamos que as circunstancias sexan propicias ; as circunstancias, cando vas parir , véñense a resumir nunha: en quen está o teu carón.

Hai tantas posibilidades coma persoas... Pero hai basicamente dous tipos de acompañantes no parto:

Os que teñen medo,ou presa ; e os que non teñen medo nin teñen presa.

Nos hospitais case sempre hai medo, e presa , todo pode saír mal , todo se pode complicar , sempre pode haber unha emerxencia, os hospitais son o fogar das emerxencias...
Non son , en xeral, un bo sitio para un parto con liberdade. Son a casa dos partos dirixidos , intervidos , violentos, roubados ,tristes ...
Nas casas tamén pode haber medo , tamén pode haber emerxencias... Pero cando estamos nun lugar seguro e na compaña de alguén que nos dá seguridade, o medo pasa , a vida flúe...
¿Quen nos quitará as dúbidas? ¿Quen nos dará a forza? ¿Quen nos fará sentir que si podemos parir en liberdade?

Cada muller ten que atopar as súas respostas.

Raquel Schallman sabe bastante de todo isto , ela ten acompañado a moitas, moitas mulleres na procura de esa liberdade para parir ben , non só para parir fillos vivos e sobrevivir ....
Ela tamén acompañou a moitos profesionais que aprenderon a atender os partos guiados pola liberdade da muller e da vida, e non pola presa e o medo...
Todo precisa a súa aprendizaxe .
En O parto É noso cremos firmemente na liberdade de vivir o parto como o que realmente é: o maior acto de amor e vida da nosa existencia.

Por iso estamos moi ledas, e sentímonos afortunadas de poder contar coa visita de esta gran muller . Grazas, Raquel.

O Parto é Noso , marzo de 2009

Por unhas festas cheas de partos respectados

nospam@example.com (O Parto é Noso) — Sun, 23 Dec 2007 14:06:28 +0100

Bo Nadal dende Open

BOA VIAXE, COMPAÑEIRA!

nospam@example.com (O Parto é Noso) — Tue, 30 Oct 2007 15:34:05 +0100

Hoxe a nosa compañeira Kris marcha de Galicia. Ten que ir fóra a ter ó seu bebé, aquí non hai opción a ter un parto respectado para ela.

Todas as que formamos O Parto é Noso imos con ela nesa viaxe, feliz porque xa queda pouco para ter no colo ó seu cuarto tesouro. Triste, porque por moito que os nosos políticos se enchan a boca coa humanización do parto aquí non hai opción real de ter ós nosos fillos de xeito respectado.

Moitos bicos, Kris. Que o teu parto sexa teu e que voltes pronto para seguir loitando polo resto das galegas, para que tamén sexan donas dos seus partos.

QUE É UN PLAN DE PARTO?

nospam@example.com (O Parto é Noso) — Tue, 12 Dec 2006 16:45:36 +0100

O plan de parto é un documento escrito pola muller que va a parir no que se recollen as súas preferencias e os seus desexos de cara ó nacemento do seu fillo: cómo quere ser tratada tanto emocional como médicamente durante o preparto, parto e posparto, así como as eleccións e decisións que tome sobre o tempo que o bebé permaneza no hospital ou clínica.

Actualmente moitas mulleres presentan o seu Plan de parto no lugar que elixen para parir. Sen embargo, aínda que no resto de Europa é una práctica habitual tanto para as nais como para os médicos, o feito de presentar o Plan non quere dicir que os hospitais ou xinecólogos os acepten. No mellor dos casos, pode ocorrer que o equipo médico “negocie” coa nai e admita uns puntos e outros non.

Debes saber que estás no teu dereito de presentar o teu Plan de parto. Se desexas ou necesitas máis información, non dubides en contactar con nós.

Na páxina de elpartoesnuestro tes modelos de plans de parto. En breve, os poderás atopar tamén en galego.

Dí NON ás tesoiras

nospam@example.com (O Parto é Noso) — Mon, 11 Dec 2006 15:58:43 +0100

A Organización Mundial da Saúde cifra a taxa aceptable de episiotomías (corte cirúrxico da vaxina na fase expulsiva do parto) nun 10-15 %. Non hai datos exactos de cántas galegas pasan por esta práctica, pero estímase que un 85 % das mulleres que dan a luz nos nosos hospitais a sofren. Esta taxa podería rondar o 100 % en primíparas.

Se vas parir, infórmate da taxa de episiotomías do teu hospital ou xinecólogo, e se che negan a información contacta con nós en opartoenoso@elpartoesnuestro.es

Na nosa web episiotomía podes atopar información seria sobre esta práctica xa case abandoada no noso entorno europeo e que aínda sofren miles de galegas.

NON MÁIS EPISIOTOMÍAS INNECESARIAS.